Іздеу
ХАБАРЛАНДЫРУ
ПАЙДАЛЫ СІЛТЕМЕЛЕР
Астана қаласы әкімдігі сайты
Астана қаласының
СжҚҚБ сайты
Астана қ. Жер
қатынастары басқармасы сайты
«Астана қ. Бас
жоспары ҒЗЖИ»
ЖШС сайты
Компания туралы - Қызмет түрлері

НЕГІЗГІ ҚЫЗМЕТ ТҮРЛЕРІ

1. КЕШЕНДІ СӘУЛЕТ-ЖОСПАРЛАУ БӨЛІМІ

Кешенді сәулет-жоспарлау бөлімі «Астанагорархитектура» жауапкершілігі шектеулі серіктестіктің құрылымдық бөлімі болып табылады. Бөлімнің басты міндеті Астана қаласы аумағында мемлекеттік сәулет - қала құрылысы саясатын жүргізу бойынша мемлекеттік бағдарламасын, аумақтың кешенді әлеуметтік-экономикалық дамытудың ағымдағы және перспективті міндеттерін шешуге бағытталған қала құрылысы бағдарламаларын жүзеге асыру, тіршілік ортасын жетілдіру, тұрғын үй – азаматтық және коммуналдық мақсаттағы обьектілерді жобалауға, салуға бастапқы деректерді дйындау арқылы олардың сәулет келбетін жақсарту болып табылады. 

Бөлімнің атқаратын жұмыс түрлері:

  1. Құрылыс салу және қайта жаңарту жобаларын әзірлеу кезінде бастапқы деректерді дайындау.
  2. Таңдау және келісу актілерін, мемлекет меншігіндегі сауда-саттықты талап етпейтін (конкурстарды, аукциондарды) жер учаскелеріне құқық алу  кезіндегі орналастыру сызбасын дайындау;
  3. Жер учаскесінің сәйкестендіру сипаттамалары өзгерген кезде алдын ала таңдау актісінің сызбаларын келісу үшін бастапқы деректерді дайындау, бөлінеді деп тану, учаскені бөлу;
  4. Жер учаскесінің координаттарын әзірлеу;
  5. Жерге орналастыру жобасын әзірлеу.

2. ИНЖЕНЕРЛІК ІЗДЕСТІРУЛЕР БӨЛІМІ

Жұмыстардың түрлері:

  1. Атқарушылық түсірілім.
  2. Топографиялық түсірілім.
  3. Учаскелерді бөлу. ғимараттар, құрылыстар және инженерлік желілердің белдеулерін болмысқа шығару.
  4. Реперді шығару.
  5. Кызыл сызықтар жүргізу.
  6. 3D форматта ғимараттар қасбеттеріңін атқарушылық түсірілімі.

3. ҒИМАРАТТАР МЕН ҚҰРЫЛЫСТАРДЫ МОНИТОРИНГІЛЕУ БӨЛІМІ

Жұмыстардың түрлері:

  1. Ғимараттар мен құрылыстарды (техникалық жағынан күрделі, бірегей, биік және адамдар көп шоғырланатын объектілерді) молнимторингілеу.
  2. Салынып жатқан және қолданыстағы объектілердің қасбеттерінің жобалық шешімге сәйкестігін мониторингілеу.
  3. Тұжырымдамаларды әзірлеу.
  4. Құрылыстарды ақпараттық моделдеу (ВІМ) – объектінің өмірлік циклі бойында барлық шешімдер үшін сенімді негізді қалыптастыратын, ғимараттар мен құрылыстар туралы ақпаратты жасау.

4. КЕЗЕКШІШІК ЖОСПАР БӨЛІМІ

Астана қ. әкімінің тапсырмасына сәйкес «Қазақстан Республикасындағы сәулет, қала құрылысы және құрылыс қызметі туралы» Қазақстан Республикасы Заңы негізінде 2012 жылдан бастап «Астана қаласының Сәулет, қала құрылысы және жер қатынастары басқармасы» ММ Астана қ. Кезекшілік жоспарын жүргізу жөнінде жұмыстар ұйымдастырылды.

Кезекшілік жоспар халыққа, мүдделі органдарға және басқа да қала құрылысы үдерісіне қатысушыларға құрылыстағы нақты өзгерістер туралы көрнекі ақпараттың толық бейнесін береді, шешімдерді талқылауға қатысу мүмкіндігін және жариялылықты қамтамасыз етеді.

Астана қаласы Кезекшілік жоспардың негізгі мақсаты мен міндеті әкімдікке жер учаскесін игеруге тұрақты бақылауды жүзеге асыруға: объектіні жобалаудан бастап пайдалануға беруге дейін мүмкіндік беретін сәулет, қала құрылысы және құрылыс қызметі объектілерінің мониторингі болып табылады.

Қазіргі уақытта Кезекшілік жоспар бөлімімен жеке және заңды тұлғалардың өтініштері бойынша объектілерді салу, қайта жаңарту мақсаттары үшін рұқсаттама құжаттарын рәсімдеу, сондай-ақ  рұқсаттама құжаттарынсыз құрылыс салу фактілеріне жол бермеу мақсатында жобалау және құрылыс объектілерінің мониторингі, бекітілген жобалау-сметалық құжаттарға салынып басталған құрылыстардың сәйкессіздіктерін анықтау  бөлігінде жұмыстар жүргізілуде. 

5. «МЕКЕНЖАЙ ТІРКЕЛІМІ» АҚПАРАТТЫҚ ЖҮЙЕСІМЕН ЖҰМЫС ЖӨНІНДЕГІ БӨЛІМ

Жұмыс түрлері:

«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 27-бабы 1-тармағы 21-2 тармақшасына сәйкес Серіктестіктің Жарғысына сәйкес Астана қаласының аумағында «Мекенжай тіркелімі» ақпараттық жүйесін (бұдан әрі – МТ АЖ) жүргізуді қамтамасыз етеді.

Бөлім «Астана қаласының Сәулет, қала құрылысы және жер қатынастары басқармасы» ММ үшін жылжымайтын мүлік объектілерінің орналасқан орнын анықтау және деректерді МТ АЖ деректер базасына енгізу бойынша бастапқы деректерді дайындауды жүзеге асырады.

6. ДБ ГРАФИКАЛЫҚ ДЕРЕКТЕРІН МОНИТОРИНГІЛЕУ БӨЛІМІ

Бөлімнің негізгі функциясы «Астанагорархитектура» ЖШС электрондық деректер базасын жүргізу болып табылады.

Бөлім келесі міндеттерді орындайды:

  • күнделікті негізде жобалау, құрылыс салу, қайта жаңарту және өнеркәсіптік-азаматтық мақсаттағы пайдалануға қабылдау объектілері және ЖТҚ объектілері бойынша құжаттарды автоматтандырылған ақпараттық және геоақпараттық жүйеде тіркеу және есепке алу;
  • деректер базасына түбегейлі жоспарлау жобалары бойынша графикалық және атрибутивтік ақпаратты енгізу;
  • қаланың сайлау орталықтарын және округтерінің шекараларын көрсетумен «сайлау учаскелерінің шекаралары» базасын жүргізу; «Астана – жаңа қала» арнайы экономикалық аймағы аумағының шекаралары базасын және тиімді жұмыс істеу үшін қажетті басқа ақпаратты жүргізу.

7. ЖАРНАМА ЖӘНЕ УАҚЫТША ОБЪЕКТІЛЕРДІ МОНИТОРИНГІЛЕУ БӨЛІМІ

Жарнама және уақытша объектілерді мониторингілеу бөлімі (бұдан әрі – Бөлім) Серіктестіктің құрылымдық бөлімшесі болып табылады, Бөлімнің негізгі міндеті Қазақстан Республикасының қолданыстағы заңнамасының талаптарына сәйкес Астана қаласының қала құрылысы мониторингі деректер базасын жүргізуді және есепке алуды қамтамасыз етуге бағытталған өндірістік қызмет болып табылады.

Негізгі міндетті орындау үшін Бөлімге келесі функциялар жүктелген:

  • Қала аумағындағы жарнама құрылымдарының мониторингін жүргізу;
  • Магистралды көшелер бойынша ғимараттар мен құрылыстарды безендіруді және сәулеттік-көркемдік бұйымдарын мониторингілеу;
  • Тұрғын үйлердің бірінші қабаттарының (жапсарластыра, жанастыра, жапсарластыра-жанастыра салынған орын-жайларының) объектілерін мониторингілеу;
  • Уақытша объектілерді мониторингілеуді кешенді жүргізу.

Жергілікті атқарушы органның тиісті рұқсатынсыз орнатылған жарнама және уақытша объектілер бойынша ақпарат қарастыру үшін, ал қажет болған жағдайда тиісті шара қолдану үшін «Астана қаласының Сәулет, қала құрылысы және жер қатынастары басқармасы» ММ жолданады.

Елорда әкімдігі шағын және орта кәсіпкерлікті қолдау мақсатында бөлінген жер учаскелерінің санын және онда елорданың заманауи стандарттарына сәйкес келетін сауда уақытша объектілерді орнатуды көздейтін «1000 орын – көше саудасы» бағдарламасын әзірледі. Бағдарлама операторы «Astana» ӘКК» ҰК» АҚ болып табылады, ол қала жүйесінде уақытша сауда объектілерін орнату үшін шарт бойынша учаскелер ұсынуды үйлестіреді.

Ағымдағы жылдың сәуір айындағы жағдай бойынша «Astana» ӘКК» ҰК» АҚ Астана қаласында уақытша сауда объектілеріне 929 жер учаскесі бөлінді. Астана қаласының жүйесінде уақытша объектілерді мониторингілеу нәтижесі бойынша 308 уақытша сауда объектісі орнатылды.

8. ИНЖЕНЕРЛІК ЖЕЛІЛЕР ҚҰЖАТТАМАСЫН ЦИФРЛАНДЫРУ БӨЛІМІ ЖӘНЕ ИНЖЕНЕРЛІК ЖЕЛІЛЕР ҚҰЖАТТАМАСЫН ӨҢДЕУ ЖӘНЕ БАСТАПҚЫ ДЕРЕКТЕРДІ ДАЙЫНДАУ БӨЛІМІ

Бөлім Серіктестіктің құрылымдық бөлімшесі болып табылады.

Инженерлік желілер құжаттамасын цифрландыру бөлімі және инженерлік желілер құжаттамасын өңдеу және бастапқы деректерді дайындау бөлімі негізгі қызметі жобалау-сметалық және атқарушылық құжаттаманы Астана қаласының деректер базасына енгізу және тіркеу болып табылатын бірлескен жұмысты атқарады. Деректер базасы Астана қаласы бойынша салынып жатқан және қолданыстағы объектілер бойынша атрибутивтік және графикалық ақпараттың болуын тұспалдайды.

Астана қаласының деректер базасын толтыру үшін бөлімдерге қосымша міндеттер жүктелген:

  • Жарамсыз инженерлік желілерді анықтау және нақтылау мәніне Астана қаласының коммуналдық қызметтерімен бірлескен жұмысты жүзеге асыру, сондай-ақ жаңа және аяқталған құрылыстың инженерлік инфрақұрылымы объектілері бойынша деректермен алмасу және өзектендіру.
  • Құрылыс жағдайының өзгерулерін уақытылы анықтау, салдарын жою мақсатында мемлекеттік құрылыс әкімгерлерімен бірлескен жұмысты жүзеге асыру.
  • Қолданыстағы және жарамсыз инженерлік желілерді анықтау және нақтылау мәніне инженерлік іздестірулер бөлімімен бірлескен жұмысты жүзеге асыру, сондай-ақ басқа ұйымдардың геодезиялық іздестірулері өзекті болмаған жағдайда орынға бірлескен шығуларды жүзеге асыру.